2 Lube čitarki, lubi čitarjo, njewotwisnje wot toho, hač pytaće w předstajenju našeje gmejny za konkretnymi informacijemi, hač podaće so na zajimawe pućowanje po wjesnych dźělach abo hač chceće tu zasydlene předewzaća a towarstwa bliše zeznać – budźće wutrobnje witani. „Znaješ rjane městno, kotrež leži wosrjedź Łužicy?“ – rěka w jednym spěwje „Wulkodubrawskich dujerjow“ a wopisuje z tym jasnje srjedźišćo našeje gmejny. Sewjernje wokrjesneho města Budyšin, hdźež so wotewrjene, parkam podobne hona mjez nižinu Sprjewje, spjatym jězorom a wulkimi zahonami mile stajnje dale do typiskeje hole z jeje chójnowymi lěsami a z rohodźu wobdatymi hatami na sewjer wupřestrěwaja, tula so Wulka Dubrawa z jeje wjesnymi dźělemi harmonisce do krajiny. Přihódne wobchadne zwiski, dobre móžnosće k zastaranju, připóznate posłužby a přemysłownicy kaž tež pisane towarstwowe žiwjenje skića wšitko, štož přinošuje dobrym žiwjenskim wobstejnosćam, kulturje a žiwjenskej kwaliće. K tomu přińdźe dobre lěkarske zastaranje, we wokolinje připóznate kubłanišća kaž tež atraktiwni dźěłodawarjo. Nimo toho mamy tu krajinu, kotraž z jeje wosebitosćemi wabi – wšojedne hač biosferowy rezerwat „Hornjołužiskeje hole a hatow“ abo wokoło róžka, zady wjeski, wšudźe pokazuje so krasna přiroda. Wulka ličba městnych a nadregionalnych pućowanskich a kolesowarskich šćežkow kaž tež mnohe turistiske drohoćinki přeprošuja na krótke abo tež dlěše přebywanje. Wulka Dubrawa a jeje wjesne dźěle su cyle jednorje městno, hdźež so hodźi derje žiwy być, dźěłać a tež dowol činić. Tam, hdźež su kraj a čłowjekojo přez časy kročili, pokazuja so wosebići ludźo. Pola nas móžeće regionalnje hišće serbsku rěč we wšědnym dnju słyšeć, mjeztym zo pokazuje pisana zhromadnosć mjenow ze wšěch regionow Němskeje na přićah za čas industrijneho wuwića. Hakle zasydlenje firmow Hermann Schomburg (Margarećina hěta) a Richarda Reinicke (prasowanske graty) wuzběhny mału holansku bursku wjesku Wulku Dubrawu z ćěmnosće časa. Wosebity powabk maja małe wjesne dźěle. Tu a tam je widźeć wosebity pokład zboka anonymity wobydlenych srjedźišćow – tu so ludźo hišće znaja a sej mjez sobu pomhaja. Prócowanje mnohich tu zasydlenych předewzaćow, kotrež su ze swojim wabjenskim zapisom w tutej protyce financowanje scyła zmóžnili, su nadźijomnje zawěsćili zabawny, informatiwny a zajimawy format po dlěšim času zaso w aktualnym stawje prezentować – wurjadny a wutrobny dźak wšitkim podpěraćelam na tutym městnje. Zhromadnosć je žiwa wot jeje aktiwnych čłonow. Wšojedne, hač stari domoródni abo runje přićehnjeni, budźće wutrobnje přeprošeni, w towarstwach, wohnjowych woborach a dalšich institucijach sobu skutkować a so tam angažować. Dźeržmy hromadźe a staramy so tak sami wo domiznu, kotraž je nam luba a hdźež smy rady žiwi. Najwutrobnišo Waš wjesnjanosta Hardy Glausch Postrowne słowa wjesnjanosty
RkJQdWJsaXNoZXIy NDIyMzg=